नवीन आर्थिक वर्ष

#NewFinancialYear

लोक नवीन वर्षाच्या शुभेच्छा देतांना "नवे वर्ष, नवी पहाट, नवी किरणे, नव्या आशा" असं काही काव्यात्मक लिहितात. पण Finance क्षेत्रातील मंडळी म्हटली की ती फार नीरस, रुक्ष, गद्य प्रकारची असतात, असा एक प्रचलित समज आहे. मग नवीन आर्थिक वर्षाच्या शुभेच्छा देतांना ही या समजाला धक्का का लावावा? म्हणूनच "तुम्हा सर्वांना नवीन आर्थिक वर्ष भरभराटीचे व उन्नतीचे जावो, व तुमचे उत्पन्न टॅक्स व surcharge च्या सर्वोच्च स्लॅब मध्ये पोहोचू दे" या आमच्याकडून कोणतेही यमक न जुळवता गद्य शुभेच्छा!

आमच्याकडे काही अती उत्साही मंडळी असतात, जी लगेच एक एप्रिल लाच विचारतात, "कधी भरायचं या वर्षीचं रिटर्न?" पण लक्षात घ्या की बँका, पोस्ट ऑफिस व इतर करकपात करणाऱ्यांना केलेल्या करकपातीचा तपशील (TDS रिटर्न) भरण्याची अंतिम तारीख ३१ मे २०२३ आहे. त्यांनी ही माहिती भरून पोर्टलला दिसेपर्यंत १०- १५ जून येईल. त्यामुळे त्याआधी ही माहिती न तपासता रिटर्न दाखल करणे धोकादायकच! सध्या तरी आर्थिक वर्षाची बँक स्टेटमेंट, लोन स्टेटमेंट, टॅक्स सेविंग पावत्या इ. कागदपत्रे फक्त गोळा करून ठेवावीत.

आता पाहुयात आर्थिक वर्ष २०२२-२३ च्या रिटर्न फॉर्म मध्ये काय काय महत्त्वाचे बदल झाले आहेत-

१. Income from Salaries व Income from Other sources या खाली "Income from retirement benefit accounts" असे नवीन heading देण्यात आले आहे. त्यामुळे नोकरी चालू असतांना चे उत्पन्न व retirement नंतरचे उत्पन्न हे नीट भरणे अपेक्षित आहे.

२. Virtual Digital Assets- Crypto currency, NFT इत्यादी मधील उत्पन्न हे वेगळे भरणे अपेक्षित आहे.

३. Donation reference number- गेल्या वर्षी पर्यंत कलम 80G खालील डोनेशन मध्ये लोक वाटेल त्या रकमा भरून सूट मिळवत होते. पण या वर्षीपासून तुम्ही ज्या संस्थेला दान दिले त्यांच्याकडून फॉर्म 10BE जून महिन्याच्या पहिल्या आठवड्यात घ्यावा लागेल, व त्यातील डोनेशन reference क्रमांक रिटर्न फॉर्म मध्ये टाकावा लागेल, अन्यथा ही सूट मिळणार नाही. (ट्रस्ट, धर्मादाय संस्था इ. यांना वर्षभरात प्राप्त झालेल्या देणग्यांचा तपशील भरण्याची अंतिम तारीख ३१ मे आहे. त्यानंतर ते तुम्हाला फॉर्म 10BE देतील.)

४. Turnover and income from intraday trading- जर तुम्ही Intraday ट्रेडिंग करत असाल, तर आत्तापर्यंत त्यातील फक्त नफा किंवा तोटा हा रिटर्न फॉर्म मध्ये भरला जात होता. पण आता त्यातील turnover ही भरणे आहे.

तर, पुन्हा एकदा सर्वांना नवीन आर्थिक वर्षाच्या शुभेच्छा!

- CA प्रतिक दामले

9822339714

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

पगारदार व्यक्तींसाठी

इमेज
#NewOrOld "CA साहेब, पगारातून खूप income टॅक्स कट होतो, काहीतरी उपाय सांगा!" तुम्ही जर पगारदार असाल, तर हे वाक्य तुमच्या CA ला कधीतरी म्हटलं असेल, आणि जर CA किंवा टॅक्स कन्सल्टंट असाल, तर हे वाक्य अनेकदा तुमच्या कानी पडलं असेल! त्यात आता एप्रिल महिना चालू आहे, आणि नवीन आर्थिक वर्षाच्या पहिल्या महिन्यात सर्व employer किंवा त्यांचे HR डिपार्टमेंट सर्व employees ना इमेल पाठवून सांगत आहेत- Please select either New regime or Old regime of taxation; if no option is selected, New regime will be opted by default. तर थोडक्यात हा प्रकार असा आहे- आत्तापर्यंत टॅक्स प्रणाली अशी होती, की तुमच्या एकूण उत्पन्नातून तुम्ही केलेल्या काही विशिष्ट गुंतवणुकी (PPF, EPF, ULIP, LIC) किंवा काही खर्च (मुलांची शाळा/ कॉलेज फी) इ. या सगळ्याची वजावट दिली जात असे. पण सगळ्याच भरलेल्या रिटर्न मधील हे claim तपासणे टॅक्स खात्याला अशक्यच! म्हणून मग काही लोक खोटे claim करून कर चुकवू लागले. त्याच बरोबर हे ही तितकंच खरं, की आता जमाना बदलला आहे. सध्या बऱ्याच लोकांचा बचत करण्याकडे, त्यात ही पाच-पाच वर्षे अडकून र
अधिक वाचा

Women's Day 2021

 ते सगळं आमचे हे बघतात! वरचे वाक्य वाचून गालातल्या गालात हसलात का? पण तुम्ही एकटे नाही आहात. कित्येक घरांमध्ये बायकांच्या तोंडून हे वाक्य ऐकू येतं. याचा शिक्षणाशीही संबंध नाही. सुशिक्षित व अगदी IT मधल्या बायका पण हे वाक्य बोलतात. उद्या महिला दिन, म्हणून महिला सक्षमीकरण इ. मोठे शब्द उद्या ऐकायला मिळतील. पण आर्थिक गोष्टींबद्दल विचारलं, तर त्या गोष्टी पुरुषच हाताळतात, असं पाहण्यात आलं आहे. मी काही तज्ञ वगैरे नाही, पण गेल्या 9 वर्षात CA म्हणून फायनान्शियल प्लॅनिंगसाठी येणाऱ्या कित्येक केस मधले काही मुद्दे इथे सांगत आहे, आपणास योग्य वाटले तर जरूर अंमलात आणा: 1. Emergency instructions: नवरा अचानक गेला तर काय? आता गेला, म्हणजे मरणच आलं असे नाही. Accident झाला, divorce झाला, बाहेरगावी गेला आणि फोन लागत नाही, मग काय कराल? आपल्या नवऱ्याच्या कुठे आणि किती इन्व्हेस्टमेंट आहेत, लाईफ इन्शुरन्स पॉलिसी आहे का, असली तर ती कोणाकडे, agent कोण? हे बायकांना माहीत नाही. याचसाठी आम्ही सांगतो, मी नसलो तर काय आणि कसं करायचं हे सांगणारा एक सीलबंद लिफाफा "emergency instructions" म्हणून प्रत्येक घरात अस
अधिक वाचा

GST Basics

#GSTBasics २०१७ मध्ये GST कायदा लागू झाला. तेव्हापासून त्यात इतके बदल झाले, इतके circular, notification आले की CA नी गच्च भरलेल्या auditorium मधल्या सगळ्यांची बोटं ती मोजायला घेतली, तरी कमी पडतील! असे असून सुद्धा समाजात, खास करून व्यवसाय करणाऱ्यांमध्ये याबद्दलच्या basic गोष्टींबद्दलच अफाट गैरसमज आहेत. म्हणूनच GST तील क्लिष्ट किंवा न्यायप्रविष्ट गोष्टींबद्दल चर्चा न करता, अगदी मूळ गोष्टींची या लेखात मांडणी केली आहे. त्यामुळे बरेच लोक म्हणतील, "यात काय नवीन, हे तर आम्हाला माहीत आहे सगळं!" १. GST calculation- यात समजण्यास काहीच अवघड नाही. मी एखादी वस्तू १००० ला खरेदी केली व त्यावर १८% GST १८०/- इतका दिला. तीच वस्तू मी २००० ला विकली व त्यावर १८% ३६०/- माझ्या ग्राहकाकडून वसूल केला. तर मग सरकारला मी विक्रीवरील ३६० वजा खरेदीवरील १८० = १८० इतके देणे लागतो. २. GST नोंदणी कधी करू? काही विशिष्ट राज्य वगळून बऱ्याच राज्यात- तुम्ही जर फक्त खरेदी-विक्री किंवा उत्पादन क्षेत्रात असाल (म्हणजे फक्त goods) तर रु. ४० लाख वार्षिक उलाढाल होईपर्यंत व जर सेवा क्षेत्रात असाल किंवा वस्तू + सेवा अशा क्ष
अधिक वाचा