Women's Day 2023



सोबत दिलेले चित्र नीट निरखून बघा. आपल्यापैकी किती लोकांनी सोन्याचे असे चकाकणारे बिस्कीट पाहिले आहे? सोन्याची झळाळी काही निराळीच असते , नाही का? आता जरा चित्राचा उजवा भाग बघा- काय सुरेख चाफ्याची फुले आहेत. आपल्यापैकी ज्यांनी चाफ्याच्या फुलांचा वास घेतला असेल, त्यांच्या डोळ्यासमोर (किंवा इथे नाकासमोर) लगेच ती आठवण आली असेल ना?

आज महिला दिनानिमित्त महिला कशा सुपर वुमन आहेत, महिला कशा सगळ्या गोष्टी करू शकतात हे ठिकठिकाणी वाचायला/ ऐकायला मिळेल. पण जर एखाद्यावेळी नाहीच जमले, ही अशी सगळी कामे करणारी सुपर वुमन व्हायला, तरी निराश व्हायचे काहीही कारण नाही. या सोन्याचे बिस्कीट व चाफ्याचे फूल आठवा व देवाचा/ निसर्गाचा संदेश नीट लक्षात ठेवा-

क्षणभर विचार करा- देवाच्या/ निसर्गाच्या मनात असते, तर सोन्याला चाफ्याचा सुवास देता आला नसता का? याचप्रमाणे चाफ्याला सोन्याची चमक, झळाळी देता आली नसती का? देवाला/ निसर्गाला काय अशक्य आहे? पण तसे घडलेले नाही. कारण अपूर्णत्वात ही सौंदर्य आहे, अपूर्णत्वात ही गोडी आहे! उगीचच ठिकठिकाणी बोललं गेलं "महिला सगळं करू शकतात" म्हणूनच सगळी ओझी स्वतः वाहिली पाहिजेत, असे अजिबात नाही. तुम्ही सोनं असाल, तर चमका, चाफा असाल तर सुगंध द्या; आपली क्षमता ओळखा व त्याप्रमाणे कार्य करा!


याआधी लिहिलेले लेख ही देत आहे-


https://capsdamle.blogspot.com/2021/03/womens-day.html


https://capsdamle.blogspot.com/2022/03/womens-day-2022.html


टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

Women's Day 2021

 ते सगळं आमचे हे बघतात! वरचे वाक्य वाचून गालातल्या गालात हसलात का? पण तुम्ही एकटे नाही आहात. कित्येक घरांमध्ये बायकांच्या तोंडून हे वाक्य ऐकू येतं. याचा शिक्षणाशीही संबंध नाही. सुशिक्षित व अगदी IT मधल्या बायका पण हे वाक्य बोलतात. उद्या महिला दिन, म्हणून महिला सक्षमीकरण इ. मोठे शब्द उद्या ऐकायला मिळतील. पण आर्थिक गोष्टींबद्दल विचारलं, तर त्या गोष्टी पुरुषच हाताळतात, असं पाहण्यात आलं आहे. मी काही तज्ञ वगैरे नाही, पण गेल्या 9 वर्षात CA म्हणून फायनान्शियल प्लॅनिंगसाठी येणाऱ्या कित्येक केस मधले काही मुद्दे इथे सांगत आहे, आपणास योग्य वाटले तर जरूर अंमलात आणा: 1. Emergency instructions: नवरा अचानक गेला तर काय? आता गेला, म्हणजे मरणच आलं असे नाही. Accident झाला, divorce झाला, बाहेरगावी गेला आणि फोन लागत नाही, मग काय कराल? आपल्या नवऱ्याच्या कुठे आणि किती इन्व्हेस्टमेंट आहेत, लाईफ इन्शुरन्स पॉलिसी आहे का, असली तर ती कोणाकडे, agent कोण? हे बायकांना माहीत नाही. याचसाठी आम्ही सांगतो, मी नसलो तर काय आणि कसं करायचं हे सांगणारा एक सीलबंद लिफाफा "emergency instructions" म्हणून प्रत्येक घरात अस
अधिक वाचा

Job change Taxation

पूर्वीच्या काळी लोक शिक्षण पूर्ण करून नोकरीला लागले की "अमुक कंपनीत चिकटला", असे म्हणण्याची पद्धत होती. याचे कारण असे की एकदा नोकरी लागली की सहसा लोक आजन्म तिथेच नोकरी करत आणि तिथूनच retire होत. पण आता तसे राहिलेले नाही. लोक नव्या संधी शोधतात, अधिक पगार आकर्षित करतो, किंवा दुसऱ्या एखाद्या जागी त्यांच्या गुणांना अधिक वाव मिळतो असे त्यांना वाटते. पण जॉब बदलला की हमखास राहून जाणारी गोष्ट म्हणजे त्याचा Income टॅक्सवर होणारा परिणाम. आपल्याला माहीत आहेच की सध्या टॅक्स स्लॅब असे आहेत- 0 ते 2.5 लाख 0% 2.5 ते 5 लाख 5% 5 ते 10 लाख 20% 10 लाखापुढे 30% तसेच, जर तुमचे उत्पन्न रु. 5 लाखापेक्षा खाली असेल, तर रु. 12500 चा टॅक्स रिबेट ही मिळतो व देय आयकर शून्य होतो. पगारदार व्यक्तींना रु. 50,000 चे standard deduction ही दिले जाते. उदाहरण म्हणून धरूयात की कंपनी 1 मध्ये तुमचे वार्षिक पॅकेज आहे रु. 10 लाख. तिथे तुम्ही 1 एप्रिल ते 30 सप्टेंबर कार्यरत होतात. म्हणजे तिथला या वर्षीचा पगार झाला रु.5 लाख. मग तुम्ही 1 ऑक्टोबर पासून 31 मार्च पर्यंत कंपनी 2 जॉईन केलीत, जिथे तुमचे पॅकेज होते वार्षिक रु.
अधिक वाचा

पगारदार व्यक्तींसाठी

इमेज
#NewOrOld "CA साहेब, पगारातून खूप income टॅक्स कट होतो, काहीतरी उपाय सांगा!" तुम्ही जर पगारदार असाल, तर हे वाक्य तुमच्या CA ला कधीतरी म्हटलं असेल, आणि जर CA किंवा टॅक्स कन्सल्टंट असाल, तर हे वाक्य अनेकदा तुमच्या कानी पडलं असेल! त्यात आता एप्रिल महिना चालू आहे, आणि नवीन आर्थिक वर्षाच्या पहिल्या महिन्यात सर्व employer किंवा त्यांचे HR डिपार्टमेंट सर्व employees ना इमेल पाठवून सांगत आहेत- Please select either New regime or Old regime of taxation; if no option is selected, New regime will be opted by default. तर थोडक्यात हा प्रकार असा आहे- आत्तापर्यंत टॅक्स प्रणाली अशी होती, की तुमच्या एकूण उत्पन्नातून तुम्ही केलेल्या काही विशिष्ट गुंतवणुकी (PPF, EPF, ULIP, LIC) किंवा काही खर्च (मुलांची शाळा/ कॉलेज फी) इ. या सगळ्याची वजावट दिली जात असे. पण सगळ्याच भरलेल्या रिटर्न मधील हे claim तपासणे टॅक्स खात्याला अशक्यच! म्हणून मग काही लोक खोटे claim करून कर चुकवू लागले. त्याच बरोबर हे ही तितकंच खरं, की आता जमाना बदलला आहे. सध्या बऱ्याच लोकांचा बचत करण्याकडे, त्यात ही पाच-पाच वर्षे अडकून र
अधिक वाचा